Çka dallon ai që promovon Islam të përshtatshëm për kulturën dominuese bashkëkohore, prej atij që promovon Islam të përshtatshëm për diktatorët? Asgjë! Të dy s’i kanë bërë ballë presionit dhe joshjes: ai të rrethit, e ky të pushtetit! - 06.11.2018
Afërsia e largimi, fitimi e humbja, shoqëria e ftohja, privilegji e skajimi, janë kapituj që shkruhen me mençuri apo me mendjelehtësi. Në një rregull të kësaj autorësie, thënë nga Rrazi, mund të “shpaloset” kodi i mençurisë së të afërtit, fituesit e të privilegjuarit: “E padyshimta e sotit është më sipërore se e mundshmja e së nesërmes.” Se kur e nesërmja s’të realizohet, e sotmja me priviligje ka vazhduar me meritorët e palëkundër, ndërsa për të vonuarit dhe të kthyerit mendjelehtë, edhe e nesërmja e mundshme tek një skaj, është në pikëpyetje. Ruaje të sotmen!
Në ramazan, përpjekjet këmbëngulëse dhe vullneti i lartë i shoqëruar me durim, e nxjerrin gjithsecilin, po madje edhe mëkatarin që e kaloi vitin me gaflet, nga bota e imtësirave, në botën e vlerave të mëdha shpirtërore! Ndaj, dil nga skuta e imtësirave, shihi horizontet e muajit të adhurimit! 07.06.2016
Një lëvizje, që kur rrëfehet, të gjithë aty janë rrëfimtarë, është lëvizje e ulur në karrigen e pleqërisë; me gjasë, me një album fotografish në dorë. Lëvizja e gjallë është ajo që, pak veta rrëfejnë, e shumë qeliza të reja dëgjojnë, me fytyra të mahnitura: për diçka që iu ka ikur, e me fytyra të buzëqeshura: për diçka që do ta bëjnë. - 19.08.2022
Nëse gjurmët e ecjes tënde nuk po i mbulon bora, por po thellohen nga ecja e shokëve dhe e bashkëudhëtarëve tu, atëherë në vizionin e pranverës në ardhje, ndiqe këtë rregull: besatarët e acarit janë anëtarët e shtëpisë së Arkamit, për pritje, përcjellje dhe kollitje, kurse dashamirët e pranverës, janë darsmorët që i presim në gëzime, për ardhje, shkuarje e urata. E po, krushku i parë është merhabaja e miqësisë, kurse krushqit e vonuar, mund të jenë edhe jabanxhi, që, mirë se kanë ardhur, por darsma nuk renditet në hesap të tyre. - 02.02.2025
Hoxhë Mirsim Maliçi
E mërkurë
(30 min pas ezanit të jacisë)
Rruga 'Qemal Ataturk' ~ Shkup
I nderuari lexues, nga vrojtimet e mia bërë Kuranit, kam gjetur se nocionet dituria dhe besimi shpesh përmenden bashkërisht dhe afër njëra-tjetrës. Madje, Zoti i Lartësuar do ta merrte për dëshmi fjalën e një pale njerëzish, identiteti i të cilëve është bashkëdyzimi i dijes me besimin: “E, ata të...
Lexo më shumë
Ngadalësia e frikshme - Hoxhë Mirsim Maliçi
11. Siguria e vetëmashtrimit - Hoxhë Mirsim Maliçi
Përnjëmendësia që shpërblehet me hije Arshi - Hoxhë Mirsim Maliçi
10. Vrazhdësia që nuk është befasi - Hoxhë Mirsim Maliçi
